ՀՀ ԱԺ նախագահի գլխավորած պատվիրակությունը կգործուղվի ԱՄՆ
18:16, 13 Հունվար, 2022ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: ՀՀ ազգային ժողովի նախագահ Ալեն Սիմոնյանի գլխավորած պատվիրակությունը հունվարի 15-20-ն աշխատանքային այցով կգործուղվի Վաշինգտոն: «Արմենպրես»-ի հաղորդմամբ՝ ԱԺ նախագահի համապատասխան կարգադրությունը հրապարակվել է խորհրդարանի պաշտոնական կայքում:
Ըստ կարգադրության՝ պատվիրակության կազմում ընդգրկված են «Քաղաքացիական պայմանագիր» խմբակցության ղեկավար Հայկ Կոնջորյանը, պատգամավոր Մարիա Կարապետյանը, «Պատիվ ունեմ» խմբակցության ղեկավար Արթուր Վանեցյանը և մի խումբ աշխատակիցներ՝ ԱԺ աշխատակազմից:
ԱԺ նախագահ Ալեն Սիմոնյանի մեկ այլ կարգադրության համաձայն՝ հունվարի 17-20-ը Ազգային ժողովի նախագահի պարտականությունների ժամանակավոր կկատարի ԱԺ նախագահի տեղակալ Հակոբ Արշակյանը:
© 2009 ARMENPRESS.am