ՀՀ վարչապետի հանձնարարականով Գյումրիում հաշվառվող տնակների թիվը կամփոփվի մարտի 10-ին
15:00, 27 Փետրվար, 2022ԳՅՈՒՄՐԻ, 27 ՓԵՏՐՎԱՐԻ, ԱՐՄԵՆՊՐԵՍ: ՀՀ վարչապետի հանձնարարականով Շիրակի մարզպետարանը Գյումրու համայնքապետարանի հետ հաշվառում է Գյումրիում առկա տնակների թիվը:
«Արմենպրես»-ի հաղորդմամբ՝ աշխատանքային խմբի գործունեության արդյունքները կամփոփվեն մարտի 10-ին։ Այս մասին լրագրողների հետ ճեպազրույցի ժամանակ նշեց Շիրակի մարզպետ Նազելի Բաղդասարյանը՝ տեղեկացնելով, որ ՀՀ ԱԺ հանձնաժողովներից մեկը մարտին արտագնա նիստ կանցկացնի Գյումրիում. նիստը նվիրված կլինի աղետի գոտու հիմնախնդիրներին:
«Այն նվիրված կլինի աղետի գոտու հիմնախնդիրներին: Կայցելեն Սպիտակ և կրկին կգան Գյումրի, որպեսզի տնակային ավանների և վթարային շինությունների խնդիրն ամբողջական պատկեր ստանա»,- տեղեկացրեց Շիրակի մարզպետը։
Արմենուհի Մխոյան