Հայոց ցեղասպանության միջազգային ճանաչումը ծառայում է տարածաշրջանում անվտանգության երաշխիքների ամրապնդմանը. Միրզոյան
17:09, 24 Ապրիլ, 2022ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Հայաստանի Հանրապետության արտաքին գործերի նախարար Արարատ Միրզոյանը «Թվիթեր»-ի իր միկրոբլոկում գրառում է կատարել Հայոց ցեղասպանության 107-րդ տարելիցի կապակցությամբ:
«Մենք խոնարհվում ենք 1915 թվականի Ցեղասպանության սուրբ նահատակների հիշատակի առջև և ընդգծում, որ Հայոց ցեղասպանության միջազգային ճանաչման օրակարգը ծառայում է տարածաշրջանում անվտանգության երաշխիքների համակարգի ամրապնդմանը, նոր էթնիկ զտումների ձգտումների ճնշմանը, աշխարհում մարդկության դեմ նման հանցագործությունների կրկնության կանխարգելմանը»,- «Արմենպրես»-ի հաղորդմամբ` գրել է Միրզոյանը:
© 2009 ARMENPRESS.am