Podcast-Sport. Բռնցքամարտի Եվրոպայի չեմպիոն Դավիթ Ավանեսյանը՝ իր նախորդ մենամարտի և Հայաստանի դրոշի ներքո հանդես գալու մասին
09:30, 6 Մայիս, 2022ԵՐԵՎԱՆ, 5 ՄԱՅԻՍԻ, ԱՐՄԵՆՊՐԵՍ: Պրոֆեսիոնալ բռնցքամարտի EBU վարկածով Եվրոպայի չեմպիոն, WBA վարկածով աշխարհի նախկին չեմպիոն Դավիթ Ավանեսյանը նպատակ ունի հանդես գալ Հայաստանի դրոշի ներքո:
«Արմենպրես»-ի Podcast-Sport-ի հյուրը հենց Դավիթ Ավանեսյանն է, ում հետ խոսել ենք նախորդ մենամարտի, իր անցած ճանապարհի և ապագա պլանների մասին:
«Կարևորն այն է, որ շարունակում եմ մնալ սպորտում՝ անկախ տարիքից: Տարիքը միայն թիվ է»,-ասաց Ավանեսյանը:
Վերջինս, խոսելով 5-րդ անգամ Եվրոպայի չեմպիոնի տիտղոսը պաշտպանելու և նախորդ մենամարտի մասին, առանձնացրեց, որ ի սկզբանե իր մրցակիցն այլ բռնցքամարտիկ պիտի լիներ, սակայն պլանները փոխվեցին վերջին օրերին:
«Ինչպես ամեն մենամարտից առաջ, այնպես էլ այս դեպքում նվիրվել եմ իմ ամբողջ ուժով: Ցանկություն ունեմ այսուհետ միայն Հայաստանի դրոշի ներքո հանդես գալ»,-ասաց Ավանեսյանը, ով մինչ այս միաժամանակ հանդես է եկել Հայաստանի և Ռուսաստանի դրոշի ներքո:
© 2009 ARMENPRESS.am