Հայաստանի շախմատի ֆեդերացիայի նախագահ է վերընտրվել Սերժ Սարգսյանը
17:39, 14 Մայիս, 2022ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ: Հայաստանի շախմատի ֆեդերացիայի նախագահի պաշտոնում վերընտրվել է Սերժ Սարգսյանը:
«Արմենպրես»-ի հետ զրույցում այս մասին հայտնեց ֆեդերացիայի գլխավոր քարտուղար Մարիա Գևորգյանը:
Շախմատի ֆեդերացիայի նախագահի առաջին տեղակալ է վերընտրվել Սմբատ Լպուտյանը, փոխնախագահ՝ Լևոն Յոլյանը: Հրաչիկ Թավադյանն ընտրվել է գործադիր տնօրեն, Մարիա Գևորգյանը` գլխավոր քարտուղար:
Սերժ Սարգսյանը Հայաստանի շախմատի ֆեդերացիայի նախագահի պաշտոնին է 2004 թվականից:
© 2009 ARMENPRESS.am