Պատմության հետագծով

08:40, 26 Մայիս, 2022

ԵՐԵՎԱՆ, 26 ՄԱՅԻՍԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: 451 թ. մայիսի 26-ին ապստամբ հայկական ուժերի եւ պարսկական բանակի միջեւ տեղի ունեցավ Ավարայրի ճակատամարտը:

-451 թ. մայիսի 26-ին նահատակվել է Վարդան Մամիկոնյանը՝ սպարապետ, Ավարայրի հերոս:

-451 թ. մայիսի 26-ին նահատակվել է Խորեն Խորխոռունին:

-451 թ. մայիսի 26-ին նահատակվել է Ներսեհ Քաջբերունին:

-Սարդարապատի ճակատամարտ. տեղի է ունեցել 1918 թ. մայիսի 21-29-ը՝ հայկական կանոնավոր զորամասերի, աշխարհազորի եւ Արեւելյան Հայաստան ներխուժած թուրքական զորաբանակի միջեւ։ Սարդարապատի հերոսամարտը հաճախ անվանում են «20-րդ դարի Ավարայր»:

-1896 թ. մայիսի 26-ին Նիկոլայ 2-րդը դառնում է Ռուսաստանի ցար:

-1918 թ. մայիսի 26-ին ստեղծվում է Վրաստանի առաջին հանրապետությունը:

-1928 թ. մայիսի 26-ին ՖԻՖԱ-ն որոշում է ընդունում չորս տարին մեկ ֆուտբոլի աշխարհի առաջնություն անցկացնելու մասին:

-1986 թ. մայիսի 26-ին Եվրոպական տնտեսական համագործակցությունն ընդունեց Եվրոպայի դրոշը:

-1842 թ. մայիսի 26-ին ծնվել է Գեորգի Ծերեթելին՝ վրացի գրող եւ բանաստեղծ:

 

Հետաքրքրական է

Ֆուտբոլի ասոցիացիաների միջազգային ֆեդերացիա կամ ՖԻՖԱ (FIFA)՝ միջազգային  սպորտի ղեկավարման մարմին, որը կառավարում է ֆուտբոլը, ֆուտզալը եւ լողափնյա ֆուտբոլը։ ՖԻՖԱ-ն կազմակերպում է ֆուտբոլի գլխավոր միջազգային մրցումները, այդ թվում Ֆուտբոլի աշխարհի առաջնությունը, որն անցկացվում է 1930-ից, եւ Կանանց ֆուտբոլի աշխարհի առաջնությունը, որն անցկացվում է 1991-ից։

Միջազգային հանդիպումների աճը 20-րդ դարի սկզբին ֆուտբոլային եզակի կառավարող մարմնի պահանջ առաջացրեց։ ՖԻՖԱ-ն հիմնադրվեց Փարիզում 1904 թ. մայիսի 21-ին։ Ֆրանսիական անվանումն օգտագործվում է նաեւ ոչ ֆրանսախոս երկրներում։ ՖԻՖԱ-ի հիմնադիր անդամներն էին Բելգիան, Դանիան, Ֆրանսիան, Նիդերլանդները, Իսպանիան (ներկայացնում էր «Ռեալ Մադրիդը», քանի որ ֆեդերացիան հիմնադրվել է 1913 թ.), Շվեդիան եւ Շվեյցարիան։ Նաեւ նույն օրը Գերմանիայի ֆեդերացիան հայտարարեց իր պատրաստակամության մասին հեռագրի միջոցով։

ՖԻՖԱ-ի կազմակերպած առաջին միջոցառումը 1908 թ. Oլիմպիական խաղերի ֆուտբոլի մրցումներն էին Լոնդոնում, որն ավելի հաջող էր, քան դրան նախորդած մրցությունները։ ՖԻՖԱ-ի անդամակցությունն ընդարձակվեց Եվրոպայից դուրս, եւ կազմակերպությանը միացան Հարավաֆրիկյան Հանրապետությունը (1909 թ.), Արգենտինան (1912 թ.), Կանադան ու Չիլին (1913 թ.), Միացյալ Նահանգները (1914 թ.)։

Ա. Հ.


© 2009 ARMENPRESS.am