Մակրոնը Ռուսաստանին կոչ է արել թույլ տալ ՄԱԿ-ին կազմակերպել Ուկրաինայից հացահատիկի արտահանումը
21:08, 16 Հունիս, 2022ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ: Փարիզը, Բեռլինը և Հռոմը կոչ են անում Մոսկվային թույլ տալ ՄԱԿ-ին՝ կազմակերպել հացահատիկի արտահանումը Ուկրաինայից:
«Արմենպրես»-ի հաղորդմամբ, ինչպես հայտնում է «ՌԻԱ Նովոստի»-ն, այս մասին Կիևում կայացած մամուլի ասուլիսի ժամանակ հայտարարել է Ֆրանսիայի նախագահ Էմանուել Մակրոնը։
«Մենք Կիևից պաշտոնապես կոչ ենք անում Ռուսաստանին՝ Անվտանգության խորհրդի մշտական անդամին, թույլ տալ ՄԱԿ-ին կազմակերպել հացահատիկի մատակարարումը»,- ասել է Մակրոնը:
Մակրոնը, Գերմանիայի կանցլեր Օլաֆ Շոլցը և Իտալիայի վարչապետ Մարիո Դրագին հունիսի 16-ին ժամանել են Ուկրաինա, որտեղ հանդիպել են Վլադիմիր Զելենսկիի հետ։