ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: Երևանի տրոլեյբուսի պարկը կհամալրվի 30 տրոլեյբուսներով: Երևանի քաղաքապետարանում կայացած գործակարգավարական խորհրդակցության ժամանակ Երևանի տրանսպորտի վարչության պետի ժամանակավոր պաշտոնակատար Հայկ Սարգսյանը ասաց, որ 15 տրոլեյբուսի ձեռքբերման մրցույթը արդեն իսկ կայացել է, հաղթողը կա:

Երևանի քաղաքապետ Հրաչյա Սարգսյանը հանձնարարեց ևս 15 տրոլեյբուսի ձեռքբերման հայտ ներկայացնել:

«51 տրոլեյբուսից 30-ը փոխենք, կարծում եմ, լավ կլինի»,- «Արմենպրես»-ի հաղորդմամբ՝ հավելեց քաղաքապետը: