ՀՀ ԶՈւ շարքերը համալրած նորակոչիկները հանդիսավոր երդում են տվել. նրանց շարքերում է նաև հայ-նիգերիական ընտանիքի առաջնեկը
17:51, 10 Օգոստոս, 2022ԵՐԵՎԱՆ, 10 ՕԳՈՍՏՈՍԻ, ԱՐՄԵՆՊՐԵՍ: ՀՀ հյուսիսարևելյան սահմաններն անառիկ պահող զորամասերից մեկում տեղի է ունեցել երդման հանդիսավոր արարողություն։
«Արմենպրես»-ի փոխանցմամբ՝ այս մասին հայտնում են ՀՀ պաշտպանության նախարարությունից, նշելով, որ Զինված ուժերի շարքերը համալրած նորակոչիկները երդվել են պատվով ծառայել և անձնվիրաբար պաշտպանել պետական սահմանները։ Խորհրդանշական օրը ելույթներ են ունեցել բարձրաստիճան զինվորականներ, զինծառայողների ծնողներ՝ մաղթելով նորակոչիկներին անվտանգ և խաղաղ ծառայություն։
Պաշտպանության նախարարության տարածած լուսանկարներից երևում է, որ հանդիսավոր երդում տված նորակոչիկների շարքերում է նաև նախորդ տարի Հայաստանում երկարաժամկետ բնակություն հաստատելու որոշում կայացրած հայ-նիգերիական ընտանիքի առաջնեկը, ով Հայկական բանակ է զորակոչվել հուլիսի 15-ին: