ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Մադրիդի «Ռեալ»-ի գլխավոր մարզիչ Կարլո Անչելոտին հայտարարել է, որ «Ռեալ»-ից հետո կավարտի մարզչական կարիերան: «Արմենպրես»-ի փոխանցմամբ՝ այս մասին Անչելոտին ասել է Il Messaggero թերթին տված հարցազրույցում:

Անչելոտին հայտարարել է, որ այն պահին, երբ կավարտվի իր ժամանակը «Սանտիագո Բեռնաբեուում, կավարտի մարզչական կարիերան: ««Ռեալ»-ում այս շրջանի ավարտը կլինի իմ կարիերայի ավարտը: Ես «Ռեալ»-ից հետո կավարտեմ իմ կարիերան: Մադրիդի «Ռեալ»-ն աշխարհի լավագույն ակումբն է: Այս փորձից հետո իմաստ ունի, որ ես ավարտեմ կարիերաս»,- ասել է նա: