Արարատյան Հայրապետական թեմի եկեղեցիներում հոգեհանգստյան կարգ կկատարվի «Սուրմալու»-ի պայթյունի զոհերի հոգիների համար
18:25, 17 Օգոստոս, 2022ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: Հայ Առաքելական եկեղեցու Արարատյան Հայրապետական թեմի առաջնորդական փոխանորդ գերաշնորհ Տեր Նավասարդ արքեպիսկոպոս Կճոյանի տնօրինությամբ թեմի բոլոր եկեղեցիներում օգոստոսի 18-ի ժամը 12-ին կկատարվի հոգեհանգստյան կարգ` «Սուրմալու» առեւտրի կենտրոնում պայթյունից մահացած անմեղ զոհերի հոգիների համար։ «Արմենպրես»-ին այս մասին տեղեկացրին Արարատյան Հայրապետական թեմի տեղեկատվական բաժնից՝ հորդորելով. «Սիրելի՛ քույրեր ու եղբայրներ, միացե՛ք ընդհանրական աղոթքին»։