Մասիսի քաղաքապետարան ներխուժած զինված քաղաքացին ինքնասպան է եղել. Ոստիկանություն
01:19, 20 Օգոստոս, 2022ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ։ Մասիսի քաղաքապետարան զինված ներխուժած անձն ինքնասպան է եղել։ «Արմենպրես»-ի փոխանցմամբ՝ այս մասին հաղորդագրություն է տարածել ՀՀ ոստիկանությունը;
«Մասիսի քաղաքապետարան զինված ներխուժած անձի հետ բանակցությունների ընթացքում հնչել են կրակոցներ:
Ոստիկանության հատուկ նշանակության վարչության ծառայողները՝ ՀՀ ոստիկանության պետի առաջին տեղակալ Արամ Հովհաննիսյանի գլխավորությամբ, մտել են ներս և հայտնաբերել 36 տարեկան Էդվարդ Մարգարյանի դին՝ գլխի շրջանում հրազենային վնասվածքով: Նա ինքնասպան է եղել»,- նշված է հաղորդագրության մեջ։
Ոստիկանների շրջանում զոհեր կամ վիրավորներ չկան:
Ավելի վաղ տեղեկացրել էինք, որ քաղաքացին զինված մուտք է գործել Մասիսի քաղաքապետարան։
Ականատեսների խոսքով՝ քաղաքապետարանի շենքի բակից պայթյունի ձայն էր լսվել։