ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ: Բոսնիական «Զրինսկի» ակումբի գլխավոր մարզիչ Կրունոսլավ Ռենդուլիչը Երևանի «Ուրարտու»-ի հետ Չեմպիոնների լիգայի որակավորման առաջին փուլում բարդ հանդիպում է սպասում:

«Վիճակահանությունն, ամեն դեպքում, բարդ մրցակից էր տալու մեզ, քանի որ բոլոր թիմերն իրենց երկրների չեմպիոններն են: «Ուրարտու»-ն իսկապես բարդ մրցակից է մեզ համար»,- «Արմենպրես»-ի հաղորդմամբ` լրագրողների հետ հանդիպման ժամանակ ասաց Ռենդուլիչը:

Գլխավոր մասնագետի կարծիքով՝ Հայաստանի ներքին առաջնությունում հանդես են գալիս բարձրակարգ թիմեր, և «Ուրարտու»-ի մի շարք ֆուտբոլիստներ մինչ այս խաղացել են եվրոպական լիգաներում:

Ֆուտբոլի Չեմպիոնների լիգայի որակավորման առաջին փուլի շրջանակներում «Ուրարտու»-ն կընդունի «Զրինսկի»-ին: Հանդիպումը կկայանա «Ուրարտու»-ի մարզադաշտում և կմեկնարկի Երևանի ժամանակով 19:00-ին: