Պենտագոնում մեկնաբանել են Լեհաստանի օդային տարածքի խախտումը
19:36, 2 Օգոստոս, 2023ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ: Պենտագոնը հայտարարել է, որ ԱՄՆ-ը միշտ հավատարիմ է ՆԱՏՕ-ի երկրների անվտանգության պաշտպանությանը:
«Արմենպրես»-ի հաղորդմամբ՝ այս մասին ճեպազրույցում հայտարարել է Պենտագոնի պաշտոնական ներկայացուցիչ Պատրիկ Ռայդերը՝ մեկնաբանելով բելառուսական ուղղաթիռների կողմից Լեհաստանի օդային տարածքի խախտման հետ կապված միջադեպը։
«Մենք կշարունակենք շատ լուրջ վերաբերվել ՆԱՏՕ-ի անվտանգությանը և կշարունակենք աշխատել Դաշինքի մեր դաշնակիցների հետ՝ ապահովելու համար, որ դաշինքի տարածքի յուրաքանչյուր քառակուսի սանտիմետրը մնա անվտանգ», - ասել է Ռայդերը:
Ավելի վաղ Լեհաստանի պաշտպանության նախարարությունը հաստատել էր Բելառուսի կողմից Լեհաստանի օդային տարածքը երկու ուղղաթիռով խախտելու փաստը։