Լեռնային Ղարաբաղում բենզինի պահեստի պայթյունից կան զոհեր և վիրավորներ
20:17, 25 Սեպտեմբեր, 2023ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ: Ստեփանակերտ-Ասկերան ավտոճանապարհի հարակից տարածքում` բենզինի պահեստում, ուժեղ պայթյուն է տեղի ունեցել։ «Արմենպրես»-ի փոխանցմամբ՝ տեղեկությունը հաստատեց ԱՀ ՆԳՆ արտակարգ իրավիճակների պետական ծառայությունը:
Այս պահին տեղում աշխատում են փրկարարական և բժշկական օպերատիվ խմբերը։
Կան զոհեր և վիրավորներ։ Այրվածքներ ստացած բազմաթիվ տուժածներ տեղափոխվել են բուժհաստատություններ։
Դեպքի մանրամասների վերաբերյալ տեղեկություններ կհրապարակվի ավելի ուշ։