ԼՂ վերադառնալու հնարավորություն չունենալու դեպքում ապրեք և աշխատեք Հայաստանում. ՀՀ վարչապետը՝ բռնի տեղահանվածներին
15:34, 2 Նոյեմբեր, 2023ԵՐԵՎԱՆ, 2 ՆՈՅԵՄԲԵՐԻ, ԱՐՄԵՆՊՐԵՍ։ Հայաստանի Հանրապետության վարչապետ Նիկոլ Փաշինյանը Լեռնային Ղարաբաղից բռնի տեղահանվածներին հորդորել է մնալ, ապրել և աշխատել Հայաստանում: «Արմենպրես»-ի փոխանցմամբ՝ այս մասին Փաշինյանը բարձրաձայնել է ՀՀ կառավարության՝ նոյեմբերի 2-ի նիստի ընթացքում:
«Նորից ուզում եմ այս դիրքորոշումն ասել և դիմել Լեռնային Ղարաբաղից բռնի տեղահանված մեր քույրերին և եղբայրներին: Եթե նրանք օբյեկտիվ հնարավորություն չեն ունենալու վերադառնալ Լեռնային Ղարաբաղ, ապա մեր քաղաքականությունն ու ցանկությունն այն է, որ նրանք բոլորը մնան Հայաստանի Հանրապետությունում, ապրեն, աշխատեն Հայաստանի Հանրապետությունում»,- ասել է Նիկոլ Փաշինյանը: