ԱԳ նախարարներ Բետելի և Միրզոյանի մասնակցությամբ Լյուքսեմբուրգում կայացել է ՀՀ գրասենյակի բացումը
20:15, 14 Փետրվար, 2024ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ։ ՀՀ ԱԳ նախարար Արարատ Միրզոյանի և Լյուքսեմբուրգի ԱԳ նախարար Քսավյե Բետելի մասնակցությամբ Լյուքսեմբուրգում կայացել է ՀՀ գրասենյակի պաշտոնական բացման արարողությունը:
Ինչպես «Արմենպրես»-ին տեղեկացրին ՀՀ արտաքին գործերի նախարարությունից, ՀՀ ԱԳ նախարարի կողմից բարձրացվել է ՀՀ դրոշը, ինչից հետո հնչել են Հայաստանի և Լյուքսեմբուրգի պետական օրհներգերը:
