ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ: Եվրահանձնաժողովն առաջին հետաքննությունն է սկսել Alphabet, Apple և Meta ընկերությունների նկատմամբ՝ ԵՄ թվային շուկաների մասին օրենքի` նրանց կողմից ենթադրյալ խախտման պատճառով։ «Արմենպրես»-ի փոխանցմամբ՝ այդ մասին հաղորդագրություն է տարածել հանձնաժողովի մամուլի ծառայությունը։

ԵՄ-ում մրցակցությունը վերահսկող մարմինը կհետաքննի Alphabet-ի կանոնները Google Play-ի և Google Search-ի կառավարման առումով, App Store-ում Apple-ի կառավարման կանոնները, ինչպես նաև Meta-ի մի քանի կանոններ։