Պօղոսեանը վերանշանակվել է զբոսաշրջության կոմիտեի նախագահի, Հակոբյանը և Առաքելյանը՝ ՊՊԾ պետի տեղակալի պաշտոններում
20:53, 4 Ապրիլ, 2024ԵՐԵՎԱՆ, 4 ԱՊՐԻԼԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանի ապրիլի 4-ի որոշմամբ՝ Զբոսաշրջության կոմիտեի նախագահի ժամանակավոր պաշտոնակատար Սիսիան Պօղոսեանը վերանշանակվել է Զբոսաշրջության կոմիտեի նախագահի պաշտոնում:
«Արմենպրես»-ի հաղորդմամբ՝ ՀՀ էլեկտրոնային կառավարման կայքը տեղեկացնում է, որ վարչապետ Փաշինյանը նաև որոշումներ է ստորագրել Պետական պահպանության ծառայության պետի տեղակալի ժամանակավոր պաշտոնակատարներ Արմեն Հակոբյանին և Գրիգորի Առաքելյանին ՀՀ ՊՊԾ պետի տեղակալի պաշտոններում վերանշանակելու մասին: