Սոմալիում Թուրքիայի դեսպանատան մոտ պայթյուն է որոտացել
17:49, 24 Հունիս, 2015ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Սոմալիիի մայրաքաղաք Մոգադիշոյում Թուրքիայի դեսպանատան մոտ հզոր պայթյուն է տեղի ունեցել, ինչի հետեւանքով 7 մարդ վիրավորվել է, 3-ը՝ զոհվել:
Ինչպես հաղորդում է «Արմենպրես»-ը` վկայակոչելով Reuters լրատվական գործակալությունը, նախնական տվյալներով` պայթյունն իրականացրել է ավտոմեքենայի վարորդ մահապարտը: Դրանից հետո միջադեպի վայրում փոխhրաձգություն է սկսվել:
Ենթադրվում է, որ հարձակումն ուղղված է եղել Արաբական Միացյալ Էմիրությունների դիվանագետներին, որոնք այդ ժամանակ գտնվել են թուրքական դեսպանատանը:
Սոմալիի ոստիկանությունը հայտնել է, որ պայթյունի արդյունքում 7 մարդ վիրավորվել է, տեղացիների հետ միասին երեք մարդ էլ զոհվել է: Ահաբեկիչների հնարավոր թիրախ համարվող ԱՄԷ դեսպանը կենդանի է մնացել:
«Մահապարտի ավտոմեքենան բախվել է դեսպանատան մոտ կայանած ռազմական ավտոմեքենային: Երեք հոգի զոհվել են, յոթ հոգի հասցվել հիվանդանոց», -Reuters-ին հայտնել է Սոմալիի ոստիկանության սպա Ֆարահ Աբդիքադիրը:
© 2009 ARMENPRESS.am