Մհեր Սեդրակյանը որոշել է դուրս գալ քաղաքականությունից և զբաղվել բիզնեսով
15:59, 27 Փետրվար, 2017ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Ազգային ժողովի ՀՀԿ խմբակցության պատգամավոր Մհեր Սեդրակյանը քաղաքականությունից դուրս գալու որոշում է կայացրել: Ազգային ժողովում լրագրողների հետ զրույցում, անդրադառնալով հարցին, թե ինչո՞ւ տեղ չի գտել ՀՀԿ-ի համամասնական և տարածքային ցուցակներում, ընդգծեց, որ չի ցանկացել, քանի որ որոշել է դուրս գալ քաղաքականությունից:
«Ես չեմ ցանկացել ցուցակում լինել: Որոշել եմ դուրս գալ քաղաքականությունից և զբաղվել բիզնեսով»,- «Արմենպրես»-ի հաղորդմամբ՝ ընդգծեց պատգամավորը:
Նա հավելեց, որ որևէ մեկից նեղացած չէ, պարզապես նման որոշում է կայացրել: Սեդրակյանը հերքեց մամուլում շրջանառվող լուրերը, թե իր որդուն «Ծառուկյան» դաշինքի ցուցակում ներառելու հարցով քննարկումներ է ունեցել Գագիկ Ծառուկյանի հետ: