ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Ադրբեջանում կրկին ընդդիմադիր գործունեություն ծավալող կայքեր են արգելափակվել:

Այս մասին, ինչպես հաղորդում է «Արմենպրես»-ը, հայտնում է ադրբեջանական azadliq.info լրատվական գործակալությունը:

Այս անգամ արգելափակվել են ադրբեջանական «Ազատություն թերթի», «Ազատություն» ռադիոկայանի և  meydan.tv-ի կայքերը:

Հատկանշական է այն հանգամանքը, որ այս կայքերն արգելափակվել են միայն Ադրբեջանի տարածքում, իսկ Ադրբեջանի սահմաններից դուրս օգտատերերը կարողանում են օգտվել կայքերից: