Բունդեսլիգան տուրի լավագույն ֆուտբոլիստ է ճանաչել Ադամյանին
13:17, 7 Հոկտեմբեր, 2019ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի և գերմանական «Հոֆենհայմ»-ի հարձակվող Սարգիս Ադամյանը ճանաչվել է Բունդեսլիգայի հերթական տուրի լավագույն ֆուտբոլիստ:
«Արմենպրես»-ի հաղորդմամբ` Բունդեսլիգայի պաշտոնական կայքը, ամփոփելով Գերմանիայի առաջնության 7-րդ տուրը, լավագույն ֆուտբոլիստ է ճանաչել «Հոֆենհայմ»-ի հարձակվող Սարգիս Ադամյանին, ով «Բավարիա»-ի դեմ խաղում դարձավ դուբլի հեղինակ և հաղթանակ բերեց իր թիմին:
Ադամյանը «Հոֆենհայմ» է տեղափոխվել ընթացիկ տարվա ամառային տրանսֆերային պատուհանի ընթացքում: