Մշակվում են ԼՂ-ից բռնի տեղահանվածներին միանվագ 100,000 դրամ աջակցության ծրագրի ընթացակարգերը
18:28, 29 Սեպտեմբեր 2023
ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ կառավարությունը նախատեսում է ընդունել որոշում, ըստ որի՝ Լեռնային Ղարաբաղից բռնի տեղահանված յուրաքանչյուր անձի կտրամադրվի միանվագ 100,000 դրամ աջակցություն՝ առաջնային կարիքների բավարարման նպատակով։
Ինչպես «Արմենպրես»-ին տեղեկացրին ՀՀ աշխատանքի և սոցիալական հարցերի նախարարությունից, այս պահին մշակվում են ծրագրի ընթացակարգերը, որից հետո նախարարությունը կհրապարակի դրամական աջակցությունը ստանալու համար անհրաժեշտ քայլերի հաջորդականությունը։
Բաժանորդագրվեք մեր ալիքին Telegram-ում