Անկարայում տեղի կունենա Թուրքիայի և Գերմանիայի նախագահների հանդիպումը
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը Անկարայում կհանդիպի Գերմանիայի նախագահ Ֆրանկ-Վալտեր Շտայնմայերի հետ։
Ինչպես հաղորդում է «Արմենպրես»-ը, այս մասին հայտնում է «Անադոլու» լրատվական գործակալությունը:
Թուրքիայի նախագահի հանրային կապերի գրասենյակից հայտնում են, որ պետությունների ղեկավարները կհանդիպեն ապրիլի 24-ին, նախագահական նստավայրում։
Պաշտոնական հանդիպման ընթացքում կքննարկվեն Թուրքիայի և Գերմանիայի միջև երկկողմ հարաբերությունների բոլոր ասպեկտները և երկկողմ համագործակցության զարգացմանն ուղղված քայլերը։
Բացի այդ, Էրդողանը և Շտայնմայերը կքննարկեն Գազայում տիրող իրավիճակը, Ուկրաինայի և Ռուսաստանի միջև շարունակվող հակամարտությունը, Թուրքիայի և ԵՄ-ի հարաբերությունները:
Հանդիպման օրակարգում կլինեն նաև տարածաշրջանային և միջազգային այլ հարցեր։