Սենեգալում ինքնաթիռը թռիչքի պահին վթարվել է
ԵՐԵՎԱՆ, 9 ՄԱՅԻՍԻ, ԱՐՄԵՆՊՐԵՍ: Սենեգալում թռիչքի պահին Boeing 737-300 ինքնաթիռը վթարվել է, ինչի հետևանքով տուժել է 11 մարդ, 4-ի վիճակը ծանր է:
«Արմենպրես»-ի փոխանցմամբ՝ այս մասին հայտնում է BBC–ն:
Ինքնաթիռը Սենեգալից դեպի Մալիի մայրաքաղաք Բամակո մեկնելիս է եղել:
Օդաչուն թեթև վնասվածքներ է ստացել, ինքնաթիռում գտնվող 78 ուղևորներից շատերը չեն տուժել միջադեպից։ Օդանավակայանի գործունեությունը դադարեցվել է: Ուղևորներին տարհանելու համար օդանավակայանում մոբիլիզացվել են արտակարգ իրավիճակների ծառայությունները:
Միջադեպի պատճառները պարզելու համար հետաքննություն է կատարվում:
Կարծիքներ
Հարցազրույցներ
Փաստ մեկնաբանությամբ