Անցած օրվա ընթացքում Գերմանիա են ժամանել հազարավոր փախստականներ
ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ: Կիրակի գիշերը հազարավոր փախստականներ գնացքներով եւ ավտոբուսներով ժամանել են Գերմանիա: Ինչպես տեղեկացնում է «Արմենպրես»-ը` վկայակոչելով «Ինտեֆաքս» գործակալությունը, այս մասին հայտնում է The Associated Press-ը:
Ոստիկանության տվյալներով, 570 փախստական տեղափոխող հատուկ գնացքներից մեկը Թյուրինգիա է ժամանել շաբաթ ուշ երեկոյան: Կեսից ավելին հետո տեղափոխվել են Դրեզդեն: Գնացքները փախստականներին հասցրել են նաեւ Համբուրգ եւ Բեռլին:
Ինչպես սպասվում է, կիրակի եւս մի քանի հազար մարդ, հիմնականում` Սիրիայից, Իրաքից եւ Աֆղանստանից, Հունգարիայից կտեղափոխվեն Գերմանիա եւ Ավստրիա:
Ավստրիան եւ Գերմանիան համաձայնել են ընդունել Հունգարիայից եկող փախստականներին: Նախօրեին ԳԴՀ կանցլեր Անգելա Մերկելը հայտարարեց, որ իր երկիրն իրավունք չունի սահմանափակել իր տարածքում ապաստան խնդրող փախստականների թիվը:
- Հայաստանի տարածքային ամբողջականությունը ոչ ոք չի վիճարկում․ Վաղարշակ
Հակոբյան
- Ադրբեջանի ԶՈՒ ստորաբաժանումները շարունակում են կրակը Կութում և Սոթքում տեղակայված հայկական դիրքերի ուղղությամբ
- Ադրբեջանի և Սերբիայի նախագահները մի շարք համատեղ փաստաթղթեր են
ստորագրել
- ՀՀ ԱԳ նախարարը Ֆրանսիայի պաշտոնակցին երախտագիտություն է հայտնել Բաքվի
ագրեսիայի առնչությամբ Փարիզի դիրքորոշման համար
- Նման հանդիպման մասին տեղեկատվություն այս պահին առկա չէ. ԱԳՆ-ն արձագանքել
է Ալիևի հայտարարությանը