ԵՐԵՎԱՆ, 27 ՀՈՒՆԻՍԻ, ԱՐՄԵՆՊՐԵՍ: Ազգային ժողովում մեկնարկել է կառավարության հրավիրած արտահերթ նստաշրջանը: Ինչպես հաղորդում է «Արմենպրես»-ը, գրանցվել է 116 պատգամավոր: Արտահերթ նստաշրջանի օրակարգում ընդգրկված է 20 հարց, 3 միջազգային պայմանագիր:

Արտահերթ նիստի օրակարգում ամենակարևոր հարցերից մեկը ընտրական օրենսգրքում փոփոխությունների մասին օրենքի նախագիծն է: Փոփոխությունների նպատակն է օրենսգրքում ամրագրել ընդդիմության և իշխանության միջև ձեռք բերված համաձայնություններն ամրագրելը:

Ազգային ժողովի արտահերթ նստաշրջանի օրակարգում է նաև Հայաստանի և Ռուսաստանի միջև միավորված հակաօդային պաշտպանության համակարգ ձևավորելու մասին համաձայնագիրը, որը հասարակության շրջանում բավականին բուռն քննարկումների առիթ տվեց: