Մենք արժանի հաղթանակ տոնեցինք. Կամո Հովհաննիսյան
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Ֆուտբոլի Հայաստանի ազգային թիմի անդամ Կամո Հովհաննիսյանի կարծիքով Հայաստանի հավաքականն արժանի հաղթանակ տոնեց:
«Հավաքականում ինձ համար դիրքային փոփոխություն չեղավ: Նախապատրաստական փուլում շատ տեղերում խաղացի: Մեզ համար շատ լավ հանդիպում ստացվեց: Մենք ամբողջ խաղի ընթացքում տիրում էինք նախաձեռնությանը: Չեմ հիշում մի պահ, որ մրցակիցը որևէ վտանգավոր գրոհ ստեղծած լինի: Մենք արժանի հաղթանակ տոնեցինք: Չեմ կարող ասել, թե որքան զգեց խաղի ելքի վրա կարմիր քարտը, բայց մենք անընդհատ պրեսինգի էինք դիմում: Նրանք ժամանակից շուտ հոգնեցին»,-«Արմենպրես»-ի հաղորդմամբ` լրագրողների հետ զրույցում ասաց Հովհաննիսյանը:
Ֆուտբոլի աշխարհի առաջնության ընտրական փուլում Հայաստանի հավաքականը 2:0 հաշվով գերազանցեց Ղազախստանի ընտրանուն: