ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Ֆուտբոլի Հայաստանի ազգային թիմի դարպասապահ Արսեն Բեգլարյանի կարծիքով ղազախները հեշտ մրցակիցներ չէին:

«Հրաշալի զգացողություններ ունեմ, իհարկե կարևորը հաղթանակն էր: Եթե նույնիսկ եթե հաշիվը լիներ 10:9 միևնույն է շատ երջանիկ կլինեի: Մեր մրցակիցը իսկապես լուրջ հակառակորդ էր: Այսօր մենք ճիշտ տրամադրվածություն ցույց տվեցինք: Մենք մեծ խնդիրներ կունենային, եթե թերագնահատեինք: Նրանք կարող են ցանկացած թիմի անհանգստացնել: Դժվար չէր, կենտրոնացվածությունս չկորցնել, քանի որ երկրպագուները մեզ աջակցում էին: Եվ երբ դու անընդհատ աջակցություն ես ստանում, ապա չես կորցնում կենտրոնացվածությունդ»,-«Արմենպրես»-ի հաղորդմամբ` լրագրողների հետ զրույցում ասաց թիմի դարպասապահը:

Հայաստանի ֆուտբոլի ազգային թիմը աշխարհի առաջնության ընտրական փուլում 2:0 հաշվով գերազանցեց Ղազախստանի թիմին: