Իլոն Մասքը համակարգչի հետ ուղեղի կապի տեխնոլոգիա Է ստեղծում
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: SpaceX-ի եւ Tesla Motors-ի հիմնադիր Իլոն Մասքն ստեղծել Է Neuralink նոր ընկերությունը, որը կզբաղվի այնպիսի տեխնոլոգիաների մշակմամբ, որոնք թույլ կտան ընթերցել մարդու ուղեղի տվյալները եւ դրանք գրանցել թվային կրիչների վրա: Այս մասին, ինչպես տեղեկացնում Է «Արմենպրես»-ը, մարտի 27-ին գրել Է The Wall Street Journal-ը:
Ըստ թերթի տեղեկատվության՝ ընկերությունը մշակում Է «նեյրոնային ժանյակի» տեխնոլոգիա, որը ենթադրում Է Էլեկտրոդների պատվաստում ուղեղում: Այսպիսով, մարդիկ կկարողանան իրենց մտեքրը ներբեռնել եւ դուրս հանել համակարգչից, հաղորդել Է ՌԻԱ Նովոստին: Նաեւ Neuralink-ի հիմնադիրները հուսով են, որ հեռանկարում այս մեթոդը թույլ կտա բուժել որոշ հիվանդություններ, այդ թվում Էպիլեպսիան կամ կաթվածահարությունը, նշում Է ՏԱՍՍ-ը:
Neuralink-ը, որը գրանցվել Է 2016 թվականի հուլիսին, սկսել Է հավաքել գիտական աշխատակիցների հաստիքակազմը: Ընկերության համահիմնադիր Է դարձել ամերիկացի ձեռնարկատեր Մաքս Հոդակը: Նրա խոսքով՝ ներկայում նախագիծը նախնական փուլում Է:
Կարծիքներ
Հարցազրույցներ
Փաստ մեկնաբանությամբ