Գիտնականները նշել են ֆիզկուլտուրայից կարճաժամկետ հրաժարվելու գլխավոր վտանգը
ԵՐԵՎԱՆ, 18 ՄԱՅԻՍԻ, ԱՐՄԵՆՊՐԵՍ: Մեծ Բրիտանիայի մի խումբ հետազոտողներ գնահատել են ֆիզկուլտուրայի պարապմունքներից կարճաժամկետ հրաժարվելու հետեւանքները երիտասարդների առողջության համար: Այդ մասին, ինչպես տեղեկացնում Է «Արմենպրես»-ը, հայտնել Է EurekAlert! գիտական նորությունների պորտալը:
Ֆիզկուլտուրայի կանոնավոր պարապմունքների 14-օրյա ընդմիջումը, ինչպես պարզել են գիտնականները, կարող Է առաջացնել նյութափոխանակության հետ կապված մի շարք փոփոխություններ, որոնք, իրենց հերթին, տանում են խրոնիկական հիվանդությունների զարգացման մեծ ռիսկի: Խոսքը, մասնավորապես, սրտանոթային համակարգի հիվանդությունների եւ երկրորդ տիպի շաքարային դիաբետի մասին Է:
Ուսումնասիրության ընթացքում մասնագետները դիտարկել են 28 առողջ եւ ֆիզիկապես ակտիվ մարդկանց, որոնց միջին տարիքը 25 Էր: Գիտափորձի բոլոր մասնակիցները կրում Էին թեւնոցներ, որոնք չափում Էին ֆիզիկական ակտիվությունը:
Հետազոտությունների արդյունքների հիման վրա գիտնականները եկել են այն եզրակացության, որ ֆիզիկական ակտիվության ընդհատումը, թեկուզեւ այնքան կարճ ժամանակով, որքան երկու շաբաթն Է, սպառնում Է առողջության համար բացասական հետեւանքներով, հաղորդել Է ՌԻԱ Նովոստին:
Կարծիքներ
Հարցազրույցներ
Փաստ մեկնաբանությամբ