ԱՊՀ երկրների Անվտանգության խորհուրդների քարտուղարները քննարկել են ահաբեկչության դեմ պայքարի խնդիրները
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: ԱՊՀ անդամ երկրների Անվտանգության խորհուրդների քարտուղարները քննարկել են ահաբեկչության դեմ համատեղ պայքարի խնդիրները: «Արմենպրես»-ի փոխանցմամբ՝ այս մասին հաղորդել է ՌԴ անվտանգության խորհրդի աշխատակազմի մամուլի ծառայությունը։
Զրույցը կայացել է Սանկտ Պետերբուրգում՝ Անվտանգության հարցերով բարձրաստիճան ներկայացուցիչների XII միջազգային հանդիպման շրջանակներում։ Միջոցառումն ընթացել է Ռուսաստանի Անվտանգության խորհրդի քարտուղար Նիկոլայ Պատրուշևի նախագահությամբ։
«Կայացել է մտքերի փոխանակում հետխորհրդային տարածքում տիրող իրադրության վերաբերյալ։ Առանձին ուշադրություն է նվիրվել ահաբեկչական սպառնալիքների հակազդման համատեղ ջանքերին: Քննարկվել են նաև պատմական հիշողության պահպանման և նացիզմի ու ագրեսիվ ազգայնականության գաղափարների վերակենդանացման փորձերի դեմ պայքարի խնդիրները», - նշել են ՌԴ Անվտանգության խորհրդի աշխատակազմի մամուլի ծառայությունում:
Բաժանորդագրվեք մեր ալիքին Telegram-ում