Օգոստոսի 12-ից կգործի Ռուսաստանից ուրանի ներկրման ԱՄՆ արգելքը
19:23, 14 Մայիս 2024
ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ: Ռուսաստանի Դաշնությունից ուրանի ներկրման ԱՄՆ արգելքը կգործի օգոստոսի 12-ից մինչև 2028 թվականի հունվարի 1-ը:
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, մայիսի 14-ին հայտարարել է ԱՄՆ պետդեպարտամենտը:
Ավելի վաղ ԱՄՆ նախագահ Ջո Բայդենը ստորագրել էր օրենք, որն արգելում է Ռուսաստանի Դաշնությունից ուրանի ներկրումը։ Վաշինգտոնում Ռուսաստանի դեսպան Անատոլի Անտոնովն ասել էր, որ այդ որոշումը կհարվածի պետություններին, իսկ Ռուսաստանն իր նախագծերն իրականացնում է այլ երկրներում։
Բաժանորդագրվեք մեր ալիքին Telegram-ում