Միշտ զգացել եմ «Օլդ Թրաֆորդ»-ի ջերմությունը.Մոուրինյո
14:54, 27 Մայիս 2016
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Պորտուգալացի մարզիչ Ժոզե Մոուրինյոն մինչ 2020 թվականը պայմանագիր է կնքել անգլիական «Մանչեսթեր Յունայթեդ»-ի հետ:
«Ինձ համար մեծ պատիվ է դառնալ «Մանչեսթեր Յունայթեդ»-ի մարզիչը: Այս ակումբով հիանում են ողջ աշխարհում: Այստեղ և՛ հեքիաթային է, և՛ ռոմանտիկ, նման բան չկա որևէ այլ ակումբում: Ես միշտ զգացել եմ «Օլդ Թրաֆորդ»-ի ջերմությունը: Այս մարզադաշտի հետ են կապված իմ կարիերայի կարևոր հիշողություններ: Մշտապես հիացել եմ «Մանչեսթեր Յունայթեդ»-ի երկրպագուներով»,- «Արմենպրես»-ի փոխանցմամբ՝ Մոուրինյոի խոսքերն է մեջբերել մանյունիանցիների պաշտոնական կայքը:
Բաժանորդագրվեք մեր ալիքին Telegram-ում