Հռիփսիմե Խուրշուդյանը ժամանակավորապես որակազրկվել է
ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: Ծանրամարտի միջազգային ֆեդերացիան հայտնել է այն մարզիկների անունները, ովքեր ժամանակավորապես որակազրկվել են արգելված խթանիչներ օգտագործելու համար: Դոպինգ թեսթերը դրական պատասխան են տվել Պեկինի օլիմպիական խաղերի ժամանակ վերցված արյան նմուշներից: Ծանրամարտիկների շարքում է նաև կանանց Հայաստանի ծանրամարտի հավաքականի անդամ Հռիփսիմե Խուրշուդյանը: Որակազրկված մարզիկների շարքում հայտնվել են ծանրամարտիկներ Ռուսաստանից, Թուրքիայից, Մակեդոնիայից, Ադրբեջանից և Ղազախստանից:
Ինչպես հաղորդում է «Արմենպրես»-ը` վկայակոչելով Ծանրամարտի միջազգային ֆեդերացիայի պաշտոնական կայքը, մարզիկներն այժմ չեն կարող մասնակցել ոչ մի միջազգային մրցաշարի, մինչև գործի քննության ավարտը:
Հռիփսիմե Խուրշուդյանը Եվրոպայի կրկնակի չեմպիոն է և Լոնդոնի օլիմպիական խաղերի բրոնզե մեդալակիր: Հռիփսիմեն նաև վաստակել է «Ռիո 2016»-ին մասնակցելու իրավունք, մասնակցությունը, սակայն, արդեն հարցականի տակ է:
Բաժանորդագրվեք մեր ալիքին Telegram-ում