Թուրքական դատարանը մեկ տարվա պայմանական պատժի է դատապարտել Էրդողանին Գոլումի հետ համեմատած քաղաքացուն
20:07, 23 Հունիս 2016
ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: Թուրքական դատարանը մեկ տարվա պայմանական պատժի է դատապարտել նախագահ Ռեջեփ Թայիփ էրդողանին «Մատանիների տիրակալը» եռապատման Գոլումի կերպարի հետ համեմատած քաղաքացուն: Ինչպես հաղորդում է «Արմենպրես»-ը, այս մասին հայտնում է «Ռիա նովոստի»-ն:
2014թ. Թուրքիայի քաղաքացի Ռիֆաթ Չեթինը «Ֆեյսբուք» սոցիալական ցանցի իր էջում տեղադրել էր Էրդողանի և Գոլումի՝ դեմքի միևնույն հիացմունք և զարմանք արտահայտող լուսանկարները: Թուրքական օրենսդրության համաձայն՝ նախագահին վիրավորելու համար Չեթինին սպառնում էր մինչև 4 տարվա ազատազրկում:
Չեթինը հայտարարել է, որ բողոքարկելու է դատարանի որոշումը, քանի որ այդ ժամանակ, երբ ինքը տեղադրել է լուսանկարները, Էրդողանը եղել է ոչ թե երկրի նախագահը, այլ վարչապետը:
Բաժանորդագրվեք մեր ալիքին Telegram-ում