ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Դորտմունդի «Բորուսիա»-ի և Սերբիայի հավաքականի կենտրոնական պաշտպան Նևեն Սուբոտիչը որոշել է հեռանալ դորտմունդյան ակումբից: Ֆուտբոլիստի գործակալը հայտարարել է, որ իր հաճախորդի  համար ակտիվորեն նոր ակումբ է փնտրում: Սուբոտիչին Դորտմունդի «Բորուսիա»-ի մեկնարկային կազմում չի տեսնում նաև թիմի գլխավոր մարզիչ Թոմաս Թուխիլը:

 «Արմենպրես»-ը տեղեկացնում է, որ այդ մասին հայտնում է «ESPN»-ը:

Նևեն Սուբոտիչը «Բորուսիա» է տեղափոխվել Գերմանիայի առաջնությունը ներկայացնող մեկ այլ ակումբից` «Մայնց»-ից, 2008 թվականին: Այս ընթացքում նա ռուրյան թիմում անցկացրել է 259 հանդիպում: Հանդիպումների մեծամասնությանը սերբ պաշտպանը անցկացրել է Յուրգեն Կլոպի գլխավությամբ: Գերմանացի հանրահայտ մասնագետի օրոք սերբ խաղացողը համարվում էր «Բորուսիա»-ի հիմնական կազմի անփոխարինելի ֆուտբոլիստ: