ՊՍԺ-ն խզել է պայմանագիրը թիմի գլխավոր մարզիչ Լորան Բլանի հետ
13:16, 24 Հունիս 2016
ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Ֆրանսիական «Պարի Սեն Ժերմեն»-ը խզել է պայմանագիրը թիմի գլխավոր մարզիչ Լորան Բլանի հետ: Ֆրանսիացի մասնագետը Կառլո Անչելոտիի հեռանալուց հետո, գլխավորելով փարիզյան ակումը, կարողացել է թիմին 3 անգամ դարձնել Ֆրանսիայի առաջնության չեմպիոն: Փարիզյան ակումբը Բլանին ժամկետից շուտ գլխավոր մարզչի պաշտոնից հեռացնելու համար վերջինիս կվճարի 22 մլն եվրո:
«Արմենպրես»-ի հաղորդմամբ, տեղեկությունը հայտնում է ֆրանսիական «L’Equipe»-ն:
Ավելի վաղ ինֆորմացիա է տարածվել, որ «Պարի Սեն Ժերմեն»-ի նոր գլխավոր մարզիչ է նշանակվել «Սևիլիա»-ի ավագ մարզիչ Ունայ Էմերին: Ֆրանսիական ակումբը շարունակում է լռել և այս ինֆորմացիան պաշտոնապես չի հաստատել:
Բաժանորդագրվեք մեր ալիքին Telegram-ում