«Երախտապարտ ենք քեզ, Հայրենիքի զինվոր». «Գազպրոմ Արմենիա»-ի աշխատակիցների նվերը զոհվածների ընտանիքներին
14:29, 27 Հունիս 2016
ԵՐԵՎԱՆ, 27 ՀՈՒՆԻՍԻ, ԱՐՄԵՆՊՐԵՍ: «Գազպրոմ Արմենիա» ընկերության աշխատակիցներն աշխատավարձերից կամավոր մասնահանումներ են կատարել ու օգնել ապրիլյան մարտական գործողությունների ժամանակ ու դրանից հետո զոհվածների ընտանիքներին: Ինչպես «Արմենպրես»-ին տեղեկացրին ընկերության հասարակայնության հետ կապերի բաժնից, շարքային, սպայական կազմի, պայմանագրային և զորային ռեսուրսի զոհված զինծառայողների բոլոր ընտանիքներին որպես դրամական աջակցություն տրամադրվել է 1 միլիոն դրամ: Ապրիլի 2-ի մարտական գործողությունների ժամանակ զոհված փոխգնդապետ Ալեքսան Առաքելյանի ընտանիքի համար Գյումրի քաղաքում ձեռք է բերվել երեք սենյականոց բնակարան:
Բաժանորդագրվեք մեր ալիքին Telegram-ում