ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: ՄԱԿ-ի Մանկական հիմնադրամը (ՅՈՒՆԻՍԵՖ) հայտնել Է Սիրիայում՝ Դեյր Զորից մոտավորապես 60 կիլոմետր հեռավորության վրա գտնվող Ալ Կուրիա բնակավայրում, 25 երեխաների զոհվելու մասին: Ինչպես տեղեկացնում Է «Արմենպրես»-ը, այս տվյալները ՅՈՒՆԻՍԵՖ-ն ստացել Է անունները չնշված «տեղի գործընկերներից», որոնք, իրենց հերթին, վկայակոչում են անանուն հաղորդումներ:

«Երեք գրոհներ, ըստ հաղորդումների, ձեռնարկվել են մարդկանց մեծ կուտակման վայրերում, այդ թվում՝ մզկիթի վրա՝ արարողության ժամանակ: Բուժաշխատողները երեխաների մարմինները դուրս են բերել փլատակներից»,- ասվում Է հայտարարության մեջ: Դրանում չի նշվում տեղեկատվության աղբյուրը, բացի այդ, նշված չԷ նաեւ այն կողմը, որը կարող Էր ավիահարված հասցնել:  

Սիրիական Դեյր Զորը գտնվում Է «Իսլամական պետության» ահաբեկիչների պաշարման մեջ: Դրա շրջակա տարածքները վերահսկվում են սիրիական հակամարտության տարբեր կողմեր, հաղորդել Է ՌԻԱ Նովոստին:

Լուսանկարը` РИА Новости