Ջիբրալթարը եւ Շոտլանդիան բանակցություններ են սկսել ԵՄ-ում մնալու հնարավորության շուրջ
ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: Ջիբրալթարը Շոտլանդիայի հետ բանակցություններ Է սկսել համատեղ գործողություններ մշակելու շուրջ, որոնք միտված են Եվրամիությանը Մեծ Բրիտանիայի այդ մասերի անդամակցությունը պահպանելուն, տեղեկացնում է «Արմենպրես»-ը:
Ջիբրալթարի գլխավոր նախարար Ֆաբիան Պիկարդոն հունիսի 28-ին BBC-ին պատմել Է, որ ինքն այդ թեման քննարկում Է Շոտլանդիայի առաջին նախարար Նիկոլա Սթերջենի հետ:
Բացառված չԷ, որ այդ բանակցություններին կարող Է միանալ նաեւ Հյուսիսային Իռլանդիան: Մեծ Բրիտանիայի այս երեք մասերի բնակիչները քվեարկել են Եվրամիությանը երկրի անդամակցությունը պահպանելու օգտին:
«Ես կարող եմ պատկերացնել այն իրադրությունը, որի դեպքում Մեծ Բրիտանիայի առանձին մասեր դուրս կգան ԵՄ-ից, իսկ մյուսները՝ կմնան: Դա նշանակում Է, որ մեզ հարկավոր չի լինի կրկին ԵՄ-ի կազմ ընդունվելու հայտ ներկայացնել. մենք պարզապես կմնանք Եվրամիությունում՝ օգտվելով այն հայտից, որը Մեծ Բրիտանիան այժմ ունի»,-ասել Է Պիկարդոն, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում