ՄԱԿ-ի գլխավոր քարտուղարը դատապարտել Է ահաբեկչությունն Ստամբուլի օդանավակայանում
ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: ՄԱԿ-ի գլխավոր քարտուղար Պան Գի Մունը դատապարտել Է ահաբեկչական գործողությունն Ստամբուլի միջազգային օդանավակայանում՝ ցավակցություն հայտնելով հարձակման զոհերի ընտանիքներին, ինչպես նաեւ Թուրքիայի ժողովրդին եւ իշխանություններին: Տարածված գրավոր հայտարարության մեջ նա երկրներին կոչ Է արել ավելի ակտիվորեն պայքարել ահաբեկչության դեմ, տեղեկացնում Է «Արմենպրես»-ը:
«Գլխավոր քարտուղարը հուսով Է, որ այդ հանցագործության մեղավորները կբացահայտվեն եւ կենթարկվեն արդարադատության: Նա հաստատակամորեն իր պաշտպանությունն Է հայտնում Թուրքիային այդ սպառնալիքի դեմ պայքարում եւ ընդգծում Է ահաբեկչության եւ բռնի ծայրահեղականության դեմ պայքարի ուղղությամբ տարածաշրջանային եւ միջազգային ջանքերի ակտիվացման անհրաժեշտությունը»,- ասված Է Պան Գի Մունի դիվանատան տարածած հաղորդագրության մեջ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում