Հազարից ավելի բրիտանացիներ են Լոնդոնում մասնակցել ԵՄ-ից դուրս գալու դեմ ցույցին
ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Եվրաինտեգրացման ավելի քան հազար բրիտանացի կողմնակիցներ հունիսի 28-ին հավաքվել են Լոնդոնի հենց կենտրոնում՝ Տրաֆալգարյան հրապարակում՝ բողոք հայտնելու վերջերս կայացած հանրաքվեի արդյունքներով ԵՄ-ից թագավորության դուրս գալու դեմ: Ինչպես տեղեկացնում Է «Արմենպրես»-ը, այս ակցիան դարձել Է եւս մեկն ամբողջ երկրում Brexit-ի հակառակորդների ցույցերի երկար շարանում, որոնք դժգոհ են հանրահարցման արդյունքներից:
Ցույցի մասնակիցներին չեն խանգարել նույնիկ տեղատարափ անձրեւն ու պոռթկուն քամին, որոնք օրվա երկրորդ կեսին մոլեգնել են Լոնդոնում: Ցուցարարները տանում Էին եվրոպական դրոշներ եւ ցուցապաստառներ՝ եվրաինտեգրացման կարգախոսներով, ինչպես նաեւ վանկարկում Էին կոչեր, հաղորդել Է ՏԱՍՍ-ը:
Լուսանկարը` Reuters
Բաժանորդագրվեք մեր ալիքին Telegram-ում