Գյուլը կհանդիպի Էրդողանի և Յըլդըրըմի հետ
14:51, 21 Հուլիս 2016
ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Թուրքիայի Հանրապետության 11-րդ նախագահ Աբդուլլահ Գյուլը հուլիսի 21-ին Անկարայում մի շարք հանդիպումներ կունենա երկրի բարձրաստիճան ղեկավարների հետ: Ինչպես հաղորդում է «Արմենպրես»-ը, այս մասին տեղեկացնում է CNN Turk-ը:
Նախ նա կհանդիպի վարչապետ Բինալի Յըլդըրըմի, այնուհետև Թուրքիայի Ազգային մեծ ժողովի նախագահ Իսմայիլ Քահրամանի հետ: Ավելի ուշ ակնկալվում են հանդիպումներ Զինված ուժերի գլխավոր շտաբի պետ Հուլուսի Աքարի և վերջապես նախագահ Ռեջեփ Թայիփ Էրդողանի հետ:
Թեպետ դեռևս չի հստակեցվել հանդիպումների օրակարգը, այդուհանդերձ ակնկալվում է, որ կողմերը խոսելու են ռազմական ձախողված հեղաշրջումից հետո երկրում առկա իրավիճակի շուրջ:
Բաժանորդագրվեք մեր ալիքին Telegram-ում