Աշխարհի մինչև 16 տարեկանների շախմատի օլիմպիադայում Հայաստանի հավաքականն ընթանում է երրորդ հորիզոնականում
12:22, 29 Հուլիս 2016
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Սլովակիայում շարունակվում է աշխարհի մինչև 16 տարեկանների շախմատի օլիմպիադան:
Ինչպես «Արմենպրես»-ին տեղեկացրին Հայաստանի շախմատի ֆեդերացիայի լրատվության բաժնից, մրցաշարում արդեն իսկ կայացել են նախատեսված 9-ը տուրերից 8-ը, որոնց արդյունքում մրցաշարային աղյուսակը գլխավորում է Իրանի հավաքականը, որը վաստակել է 15 միավոր: Երկրորդ հորիզոնականում է 13 միավոր վաստակած Ռուսաստանի հավաքականը, իսկ Հայաստանն իր ակտիվում գրանցել է 12 միավոր և ընթանում է երրորդ հորիզոնականում:
Վերջին տուրում Հայաստանի մրցակիցն է Սերբիան:
Բաժանորդագրվեք մեր ալիքին Telegram-ում