Արցախի Նախագահը ՀՊՄՀ ռեկտորի հետ քննարկել է համագործակցության հարցեր
19:06, 24 Օգոստոս 2016
ՍՏԵՓԱՆԱԿԵՐՏ, 24 ՕԳՈՍՏՈՍԻ, ԱՐՄԵՆՊՐԵՍ: Արցախի Հանրապետության Նախագահ Բակո Սահակյանն օգոստոսի 24-ին ընդունել է Խաչատուր Աբովյանի անվան հայկական պետական մանկավարժական համալսարանի պատվիրակությանը՝ ռեկտոր Ռուբեն Միրզախանյանի գլխավորությամբ:
Ինչպես «Արմենպրես»-ին տեղեկացրին Արցախի Հանրապետության Նախագահի աշխատակազմի տեղեկատվության գլխավոր վարչությունից, քննարկվել են բուհի հետ համագործակցությանն առնչվող հարցեր:
Երկրի ղեկավարը պահանջված է համարել փոխգործակցությունը Հայկական պետական մանկավարժական համալսարանի հետ՝ երախտագիտություն հայտնելով հասատատության անձնակազմին Արցախին մշտապես ցուցաբերվող աջակցության համար:
Հանդիպմանը մասնակցում էր ԼՂՀ կրթության, գիտության եւ սպորտի նախարար Սլավա Ասրյանը:
Բաժանորդագրվեք մեր ալիքին Telegram-ում