Իտալիայում երկրաշարժը վնասել կամ քանդել է գրեթե 300 պատմական շենքեր
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Իտալիայում երկրաշարժը վնասել կամ քանդել Է պատմական նշանակություն ունեցող 293 շենքեր: Այդ մասին, ինչպես տեղեկացնում Է «Արմենպրես»-ը, հայտնել Է երկրի մշակույթի նախարար Դարիո Ֆրանչեսկինին:
Ըստ France-Presse գործակալության հաղորդման՝ խոսքն առավելապես վերաբերում Է XIII – XIV դարերի տաճարների, պալատների եւ հուշարձանների: Տարերքը գործնականում լիովին ոչնչացրել Է Ամատրիչեի պատմական կենտրոնը, որն ժամանակին ճանաչվել Է «հարյուր եկեղեցիների քաղաք»:
Քաղաքի գխավոր տեսարժան կառույցը՝ սուրբ Ֆրանցիսկոսի բազիլիկը, քանդվել Է մասնակիորեն: Սուրբ Օգոստինոսի եկեղեցին, որը կառուցվել Է 1428 թվականին եւ գտնվում Է Ամատրիչեի մերձակայքում, ամբողջովին քանդված Է:
Տարածաշրջանում սեյսմիկ ակտիվությունը չի դադարում, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում