Հայաստանում և Արցախում կանցկացվեն «Եվրոպական ժառանգության օրեր»
13:41, 20 Սեպտեմբեր 2016
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: «Ժառանգությունը և համայնքները» խորագրի ներքո Հայաստանում և Արցախում սեպտեմբերի 24-25-ը կանցկացվի «Եվրոպական ժառանգության օրեր» ծրագիրը: Այս մասին «Արմենպրես»-ին տեղեկացրեցին ՀՀ մշակույթի նախարարության մամուլի ծառայությունից:
Ծրագրի շրջանակում կիրականացվեն բազմաթիվ և բազմաբնույթ միջոցառումներ` ցուցահանդեսներ, համերգներ, հանդիպում-քննարկումներ, դասախոսություններ, տեսաֆիլմերի ցուցադրություններ, գրական-երաժշտական ցերեկույթներ, կրթական, ինտերակտիվ ծրագրեր և այլն:
«Եվրոպական ժառանգության օրեր» ծրագիրը նվիրվում է Հայաստանի Հանրապետության անկախության 25-ամյակին:
Բաժանորդագրվեք մեր ալիքին Telegram-ում