Օբաման կարգադրել Է խոնարհել դրոշները Շիմոն Պերեսի հիշատակին
ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: ԱՄՆ-ի նախագահ Բարաք Օբաման կարգադրել Է Սպիտակ տան, երկրում եւ արտասահմանում Միացյալ Նահանգների կառավարական շենքերի վրա խոնարհել դրոշներն Իսրայելի նախկին նախագահ Շիմոն Պերեսի մահվան կապակցությամբ, տեղեկացնում Է «Արմենպրես»-ը:
«Ի նշան Շիմոն Պերեսի՝ Իսրայելի նախկին նախագահի եւ վարչապետի հիշատակի հարգանքի, ես հրամայում եմ ® որ Սպիտակ տան վրա, ինչպես նաեւ բոլոր պետական շենքերի եւ տարածքների վրա խոնարհվեն Միացյալ Նահանգների դրոշները»,- ասված Է հատուկ կարգադրության տեքստում, որը սեպտեմբերի 28-ին տարածել Է ԱՄՆ-ի վարչակազմի մամուլի ծառայությունը:
Սեպտեմբերի 29-ին Օբաման կմեկնի Իսրայել, որպեսզի անձամբ ներկա գտնվի Պերեսի հուղարկավորությանը:
Շիմոն Պերեսը վախճանվել Է կյանքի 94-րդ տարում Թել Ավիվի մերձակա «Թել խա Շոմեր» հիվանդանոցում: Նա Իսրայելի նախագահի պաշտոնն զբաղեցրել Է 2007 թվականից մինչեւ 2014 թվականը: Իսրայելի նախկին ղեկավարի հուղարկավորությունը կկայանա սեպտեմբերի 30-ի առավոտյան Երուսաղեմում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում